Aşgabat şäheriniň «Altyn Täç» futbol topary Germaniýanyň Gamburg şäherinde geçirilen «Laola Cup 2024» atly halkara ýaryşynda üstünlikli çykyş edip, üç bürünç medala mynasyp boldular. 2024-nji ýylyň 22-26-njy iýuly aralygynda geçirilen ýaryşa dünýäniň 46-den gowrak döwletinden 200 çemesi futbol topary gatnaşdy.
Ýaş derejeleriniň bäşisi boýunça geçirilen halkara ýaryşda «Ýolbars» lakamly «Altyn Täç» futbol toparynyň üç sany topary (2009, 2011 we 2013-nji ýyllarda doglan ýetginjeklerden düzülen toparlary) çykyş etdi.
Ilkinji oýundan başlap, «Ýolbarslar» tutanýerli we zehini bilen ajaýyp we mynasyp oýun görkezdiler. Olar toparçalaýyn tapgyrda Hytaýyň we Şwesiýanyň toparlaryny 2-1 hasap bilen ýeňip, Malaziýanyň toparyndan bolsa 3:1 hasap bilen asgyn gelip, toparçada ikinji orny eýelediler.
«Ýolbarslar» futbol topary bolsa 3-nji orun üçin ýerli topar bolan Germaniýa wekilçilik edýän topary bilen duşuşdylar. Çekeleşikli geçen duşuşyk deňme-deň tamamlandy – 2:2. Şeýlelikde, duşuşygyň ykbalyny 11 metrlik jerime urgulary kesgitledi. Oýundan soňraky 11 metrlik jerime urgulardan bolsa «Ýolbarslar» 2:1 hasabynda ýeňiş gazanyp, bu ýaş derejäniň bürünç medalyna eýe bolmagy başardylar
Has kiçi ýaş kategoriýalarynda (13 ýaşdan kiçi we 11 ýaşa çenli) türkmen futbolçylary dürli ýurtlaryň garşydaşlary bilen bolan ýiti söweşde bürünç medallara eýe boldular.
HHM
