«Sebäp boldy ýanan jana,
Jellatdyr gara gözleriň».
Magtymguly Pyragy
Meni yşka bimar eden,
Gudratdyr gara gözleriň.
Görmäge intizar eden,
Zynatdyr gara gözleriň.
Magşuk ýüregi joşdurýan,
Ajap pursada duşurýan,
Mähir bulagy joş urýan,
Ymmatdyr gara gözleriň.
Kalpda yşk odun ýandyran,
Muhabbeti oýandyran,
Bagtyň meýinden gandyran,
Lezzetdir gara gözleriň.
Tebsirände juwan ýürek,
Hergiz oňa medet gerek,
Söýgi derýasynda kürek,
Kuwwatdyr gara gözleriň.
Sungatdyr gara gözleriň.
Çeper NAZARGYLYJOWA,
«Arkadagly Ýaşlar» atly elektron
žurnalynyň jogapkär işgäri.
