«Türkmenler baglasa bir ýere bili,
Gurudar Gulzumy, derýaýy-Nili».
Magtymguly Pyragy
Türkmenler baglaýyp bir ýere bili,
Bu gün dünýä içre adygyp barýar.
Abraýyn, şöhratyn ýaýyp jahana,
Bedew bady bilen bat alyp barýar,
Taryhda zer bilen at alyp barýar.
Kalpda ýa:şan arzuwlaryň kök urup,
Dostluk hakda aýdym-gazal köpelip,
Bu gün gözde bagt ýaşyny kepedip,
«Diňe öňe» diýip, bat alyp barýar,
Taryhda zer bilen at alyp barýar.
Ussadym duýýaňmy saba ýelleri —
Asudalyk mukamyna heň beren.
Arzuwyny hasyl edip hemmeleň,
Watanmyz geljege bat alyp barýar,
Taryhda zer bilen at alyp barýar.
Köpetdagdan buýsanç bilen bakýaňmy,
Şäherem — Gün, Günem gökden çykýarmy,
Alkyş derýa suw-sil bolup akýarmy?
Arkadagly Diýar bat alyp barýar,
Taryhda zer bilen at alyp barýar.
Aýjahan ANNABAÝEWA,
«Dünýä edebiýaty» žurnalynyň bölüm redaktory.
