Abu Reýhanyň ylyma berlenligi hakda rowaýatlar örän kän. Bir gezek ol agyr ýarawsyz ýatyrka dostlarynyň biri halyny soramaga gelipdir. Sähel mejaly bolan Biruny ondan bir mesele hakda sorapdyr. Ol adam: «Haly teň ýagdaýda ýatyrsyň, bu wagt ylym bilen meşgullanmak hökmanmy?» diýip sorapdyr. Biruny oňa «Men bu dünýäden şuny bilmän gidenimden bilip gidenim haýyrly dälmi näme?» diýip sorapdyr. Soňra ikisi bu meseläniň üstünde dürli piker alşypdyrlar. Ahyry Biruny kanagatlanarly jogap tapypdyr. Ol adam çykyp gaýdýar we ýolda gelýärkä hem Birunynyň dünýäden ötendigi hakdaky habary eşidip galýar.
Rahmet GYLYJOW,
«Halallyk kyssalary» kitabyndan.
