Ýakynda Gökdere jülgesinde ýerleşýän «Çynar» çagalar dynç alyş we sagaldyş merkezinde TMÝG-niň Aşgabat şäheriniň Köpetdag etrap Geňeşiniň gurnamagynda «Sport kämillige tarap» ady bilen sportuň dürli görnüşleri boýunça çagalaryň arasynda sport çäresi geçirildi. Bu çärede çagalar surat çekmek hem-de küşt, şaşka oýunlary boýunça özleriniň ukyp-başarnyklaryny görkezdiler.
Dynç alyş we sagaldyş merkezlerinde şeýle çäreleriň, döredijilik bäsleşikleriniň ýörite meýilnama esasynda yzygiderli geçirilmegi tomus paslynda dynç alýan çagalaryň şadyýanlygyny artdyrýar. Dynç alýan körpeler tebigat bilen özboluşly sazlaşygy emele getirip, ajaýyp duýgulary başdan geçirýärler. Munuň özi ýurdumyzyň ýagty geljegi bolan ýaş nesilleriň manyly dynç almaklary, wagtlaryny peýdaly geçirmekleri üçin Arkadagly Gahryman Serdarymyzyň parasatly baştutanlygynda döredilýän giň mümkinçilikleriň aýdyň beýanydyr.
Ogulbibi MESKUTOWA,
TMÝG-niň Aşgabat şäheriniň Köpetdag
etrap Geňeşiniň Guramaçylyk bölüminiň
Sanly ulgam boýunça esasy hünärmeni.
