Ahal welaýatynyň Sarahs etrabyndaky «Döwletabatgazçykaryş» müdirliginiň ilkinji Ýaşlar guramasynyň guramagynda «Pähim-paýhas ummany Magtymguly Pyragy» ýylyna bagyşlanyp geçirilen duşuşyga ol ýerde zähmet çekýän ýaş işçi-hünärmenler işjeň gatnaşdylar.
Duşuşykda mukaddes Garaşsyzlygymyzyň 33 ýyllyk şanly toýunyň giňden dabaralandyrylýan ýylynda Watanymyzyň jemgyýetçilik-syýasy durmuşynda bolup geçýän taryhy wakalar, halk hojalygynyň dürli ugurlarynda ýetilýän sepgitler, halkymyzyň ýaşaýyş-durmuş derejesini ýokarlandyrmaga gönükdirilen tagallalaryň rowaçlyklara beslenilişi dogrusynda täsirli gürrüň edildi. Ýaşlaryň hünär öwrenmegi, döwrebap şertlerde zähmet çekmegi, gurmagy, döretmegi, ýurdumyzyň ykdysady ösüşlerine saldamly goşant goşmagy babatynda döredilen giň şertlerdir mümkinçilikler barada aýdylanlar gyzgyn goldaw tapdy.
Ruhubelentlik ýagdaýynda geçen duşuşyga gatnaşanlar Watanymyzy ösüşlerden ösüşlere alyp barýan, halkymyzy eşretli durmuşda ýaşadýan Gahryman Arkadagymyzyň we Arkadagly Gahryman Serdarymyzyň adyna alkyş sözlerini aýtdylar.
Gurbanmurat GELDIMURADOW,
Ahal welaýatynyň Sarahs etrabyndaky
«Döwletabatgazçykaryş» müdirliginiň ilkinji
Ýaşlar guramasynyň başlygy.
