Ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Ruhubelent etrap Geňeşi, Ruhubelent etrabynyň 1-nji sport mekdebinde «Türkmenistan Halkara ýaryşlaryň geçirilýän ýurdy» atly şygar astynda sportuň ýüp çekmek görnüşi boýunça sport ýaryşyny geçirdi. Oňa etrapdaky orta mekdeplerden okuwçy ýaşlar gatnaşdy.
Mekdep okuwçylarynyň boş wagtlaryny netijeli geçirmegini, sagdyn durmuş ýörelgelerine eýermegini gazanmak we olary sporta giňden çekmek maksady bilen geçirilen ýaryşda güýçli toparlar öňe saýlandy. Şeýlelikde, «Berkarar» topary 1-nji orna «Zähmet topary» 2-nji orna mynasyp bolup, Türkmenistanyň Magtymguly adyndaky Ýaşlar guramasynyň Daşoguz welaýatynyň Ruhubelent etrap Geňeşi tarapyndan hormat haty bilen sylaglandylar.
Gylyç GYLYJOW
Ruhubelent etrabynyň çagalar sungat mekdebiniň mugallymy
TMÝG-niň Ruhubelent etrap Geňeşiniň işjeň agzasy.
