Türkmenistanyň Magtymguly adyndaky Ýaşlar guramasynyň Balkan welaýatynyň Esenguly etrap Geňeşiniň, etrap medeniýet bölüminiň, etrabyň jemgyýetçilik guramalarynyň bilelikde guramagynda ene-mamalarymyzdan miras galan milli däp-dessurlarymyzy wagyz etmek hem-de edim-gylymlarymyzy gaýtadan dikeltmek maksady bilen «Milli ýörelgeler we döwrebap medeniýet» ady bilen ümeçilik däp-dessury geçirildi.
Bu ýere ýygnananlar milli däp-dessurlarymyzyň naýbaşysy hasaplanýan türkmen toýlarymyzyň aýratynlyklaryny ýerine ýetirmekde ussatlyk görkezdiler.
Çäräniň ahyrynda oňa gatnaşanlar milli medeniýetmizi gorap saklamakda, ony dünýä ýaýmakda giň mümkinçilikleri döredip berýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza çäksiz sag bolsunlaryny aýtdylar!
Tagandurdy TAGANDURDYÝEW,
Türkmenistanyň Magtymguly adyndaky Ýaşlar guramasynyň
Balkan welaýatynyň Esenguly etrap Geňeşiniň başlygy.
