Türkmenistanyň Magtymguly adyndaky Ýaşlar guramasynyň Balkan welaýatynyň Esenguly etrap Geňeşi, Türkmenistanyň Zenanlar birleşiginiň Esenguly etrap bölümi, etrap bilim bölümi bilen bilelikde guramagynda maşgala gymmatlygyny wagyz etmek maksady bilen mugallymlaryň arasynda «Türkmen maşgalasy - agzybirligiň ojagy, terbiýäniň öýi» ady bilen wagyz–nesihat duşuşygy geçirildi.
Duşuşygyň dowamynda çykyş edenler ýurdumyzda maşgala gymmatlygyna goýulýan sarpa, maşgala durmuşyna taýýar bolmak, ýaş maşgalalaryň arasynda agzybirligi gazanmak, maşgala mukaddesligini gorap saklamak barada täsirli çykyşlar edildi.
Duşuşygyň ahyrynda oňa gatnaşanlar ýaşlarymyzyň bagtyýar geljegi ugrunda taýsyz tagallalary edýän türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza alkyş sözlerini aýtdylar.
Tagandurdy TAGANDURDYÝEW,
Türkmenistanyň Magtymguly adyndaky Ýaşlar guramasynyň
Balkan welaýatynyň Esenguly etrap Geňeşiniň başlygy.
