Golaýda Türkmenistanyň Magtymguly adyndaky Ýaşlar guramasynyň Balkan welaýatynyň Etrek etrap Geňeşiniň guramagynda etrabyň 2118 harby bölüminiň «Baýathajy» serhet galasynda çagyryş boýunça harby gullukçylaryň arasynda «Watan serhetden başlanýar» atly şygar bilen wagyz-nesihat duşuşygy geçirildi. Ýaramaz endiklerden daşda durup, sagdyn durmuş ýörelgelerini berjaý etmäge, edep-terbiýeli bolup Watanymyza ak ýürekden gulluk etmäge höweslendirmek maksady bilen geçirilen duşuşyk örän täsirli we netijeli boldy.
Duşuşykda çykyş edenler Berkarar Döwletiň täze eýýamynyň Galkynyşy döwründe ösüp gelýän ýaş nesliň agzybirlik, watansöýüjilik, halallyk, päkýüreklilik, zähmetsöýerlik we ata-babalarymyzdan gelýän millilik ruhunda terbiýelenip, geljekde Watana wepaly ýurt eýeleri bolmalydygy hakynda ruhlandyryjy çykyşlary etdiler.
Duşuşygyň ahyrynda oňa gatnaşanlar şeýle eşretli, parahat durmuşda ýaşadýan türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň janlarynyň sag, ömürleriniň uzak, il-ýurt bähbitli alyp barýan işleriniň hemişe rowaç bolmagyny arzuw etdiler.
Züleýha BAÝMÄMMEDOWA,
Türkmenistanyň Magtymguly adyndaky Ýaşlar guramasynyň
Balkan welaýatynyň Etrek etrap Geňeşiniň başlygy.
