Ýakynda Mary welaýatynyň Wekilbazar etrabynyň Mollanepes şäherçe medeniýet öýünde etrap häkimliginiň, Türkmenistanyň Demokratik partiýasynyň etrap komitetiniň, Türkmenistanyň Kärdeşler arkalaşyklarynyň etrap birleşmesiniň, Türkmenistanyň Magtymguly adyndaky Ýaşlar guramasynyň Mary welaýatynyň Wekilbazar etrap Geňeşiniň bilelikde guramaklarynda hemişelik Bitaraplygymyzyň 30 ýyllyk baýramçylygy mynasybetli «Bitaraplyk – baky berkararlygyň binýady» atly tegelek stoluň başynda söhbetdeşlik duşuşygy geçirildi.
Duşuşykda Türkmenistanyň Demokratik partiýasynyň etrap komitetiniň başlygy Tawus Gylyjowa, etrabyň 12-nji orta mekdebiniň mugallymy, welaýat halk maslahatynyň agzasy Ogulsuraý Aşyrowa, etrabyň 35-nji orta mekdebiniň müdiri, Türkmenistanyň Mejlisiniň deputaty Jumamuhammet Şirmämmedow, Türkmenistanyň Magtymguly adyndaky Ýaşlar guramasynyň Mary welaýatynyň Wekilbazar etrap Geňeşiniň başlygy, etrap Halk Maslahatynyň agzasy Nagmat Hümmedow çykyş etdiler. Olar hemişelik Bitaraplygymyzyň ähmiýeti, 30 ýylyň içinde ýurdumyzda gazanylan üstünlikler, halkara gatnaşyklarynda alnyp barylýan beýik işler dogrusynda giňişleýin çykyş etdiler.
Söhbetdeşlik duşuşygynyň ahyrynda oňa gatnaşyjylar Watany söýmegiň belent nusgasyny görkezýän türkmen halkynyň Milli Lideri Gahryman Arkadagymyzyň we hormatly Prezidentimiz Arkadagly Gahryman Serdarymyzyň janlarynyň sag, belent başlarynyň aman bolmagyny, tutumly işleriniň hemişe rowaç almagyny arzuw etdiler.
Döwlet BAÝRAMOW,
Türkmenistanyň Magtymguly adyndaky Ýaşlar guramasynyň
Mary welaýatynyň Wekilbazar etrap Geňeşiniň
Guramaçylyk bölüminiň müdiri.
