Şu gün — 27-nji sentýabrda mukaddes Garaşsyzlygymyzyň şanly 33 ýyllyk baýramynyň dabaralary Ahal welaýatynda şatlyk-şowhuna beslendi. Ak bugdaý etrabynyň Änew şäherindäki Mukaddes meýdançasynda bolan baýramçylyk dabarasyna Ýaşlar guramasynyň işgärleridir işjeň agzalary hem ruhubelentlikde gatnaşdylar.
Toý meýdançasynda şanly sene mynasybetli Döwlet senasy ýerine ýetirilip, Döwlet baýdagymyz al asmana göterildi. Baýramçylyk gutlag sözleri, ýagşydan ýagşy arzuwlar aýdyldy, Garaşsyz Watanymyzyň şan-şöhratyny arşa götermek ugrundaky taýsyz tagallalary üçin hormatly Prezidentimiziň we Gahryman Arkadagymyzyň adyna alkyş sözleri beýan etdiler.
Baş baýramymyza bagyşlanan dabarany welaýatymyzyň medeniýet we sungat ussatlarynyň çykyşlary bezedi. Sungat çykyşlarynyň her biri buýsançly zamanamyzyň belent waspy bolup, toýçy märekäniň toý şatlygyny goşalandyrdy.
Aýnagözel NURYÝEWA,
TMÝG-niň Ahal welaýatynyň
Ak bugdaý etrap Geňeşiniň işgäri.
