Şu gün Türkmenistanyň Döwlet medeniýet merkeziniň Döwlet muzeýiniň binasynda Türkmenistanyň Magtymguly adyndaky Ýaşlar guramasynyň Merkezi Geňeşiniň, ady agzalan muzeýiň, şeýle hem «Miras» teleýaýlymynyň bilelikde gurnamagynda ýaýlyma berilýän «Milli miras – nesillere görelde» atly gepleşiginiň nobatdaky sany ýazgy edildi, hormatly Prezidentimiziň sanly ulgam arkaly geçiren Ministrler Kabinetiniň nobatdaky mejlisini, onda garalan birnäçe meseleleri ýaşlara wagyz etmek maksady bilen guralan gepleşige gatnaşanlar Garaşsyz, hemişelik Bitarap Watanymyzyň parahatçylyk we ynanyşmak ýörelgelerinden ugur alýan başlangyçlary, halkara giňişlikdäki orny, dünýä jemgyýetçiliginde döwletimiziň halkara sport abraýy, şeýle hem ýurdumyzyň içeri we daşary syýasatynyň sazlaşykly ösüşinde Türkmenistanyň Halk Maslahatynyň möhüm orny dogrusynda giňişleýin söhbet etdiler. Çykyşlaryň her birinde halkymyzy ösüşleriň aýdyň ýoly bilen bagtyýar geljege tarap alyp barýan Gahryman Arkadagymyza, Arkadagly Gahryman Serdarymyza alkyş sözleri aýdyldy.
Jemal SAPAROWA,
TMÝG-niň Merkezi Geňeşiniň ýanyndaky
«Arkadagly Ýaşlar» elektron žurnalynyň
bölüm redaktory.
