Golaýda Türkmenistanyň Magtymguly adyndaky Ýaşlar guramasynyň Daşoguz welaýatynyň S.Türkmenbaşy etrap Geňeşi etrabyň häkimligi, etrabyň medeniýet bölümi, etrabyň jemgyýetçilik guramalary bilen bilelikde, etrap medeniýet merkezinde Hasyl toýy mynasybetli, “Daýhan zähmeti – bereket çesmesi” ady bilen, aýdym-sazly baýramçylyk çäresini geçirdi. Oňa etrabyň bilim we beýleki ulgamlarynda zähmet çekýän öňdebaryjy ýaşlar gatnaşdylar. Dabara özboluşly şatlyk-şowhunly geçdi. Onda etrabyň medeniýet-sungat wekilleriniň ýerine ýetiren aýdym-sazly çykyşlary belentden-belent ýaňlandy. Şeýle-de, dabarada baýramçylyk mynasybetli gutlag çykyşlaryna giň orun berildi.
Mährijemal TOÝMÄDOWA,
TMÝG-niň Daşoguz welaýatynyň
S.Türkmenbaşy etrap Geňeşiniň esasy hünärmeni.
