Ýaňy-ýakynda Türkmenistanyň Magtymguly adyndaky Ýaşlar guramasynyň Daşoguz welaýatynyň Şabat etrap Geňeşi etrabyň bilim bölümi bilen bilelikde, etrabyň medeniýet merkezinde «Merdana nesil – 2024» atly şadyýan bäsleşigiň etrap tapgyryny geçirdi. Onda merdana nesiller hormatly Prezidentimiz tarapyndan Berkarar döwletiň täze eýýamynyň Galkynyşy döwründe alnyp barylýan tutumly işleri, ata Watanymyzy, eziz Diýarymyzy, bagtyýar çagalygy, dost-doganlygy çeper sözleriň hem-de aýdym-sazly çykyşlaryň üsti bilen wasp etdiler.
Netije-de, 55-nji orta mekdebiň 4-nji synp okuwçysy Myrat Maşaripow, 46-njy orta mekdebiň 5-nji synp okuwçysy Nurbek Nurmetow, 44-nji orta mekdebiň 3-nji synp okuwçysy Nurbek Kamiljanow dagylar degişlilikde 1-nji, 2-nji, 3-nji orunlara mynasyp boldular. Ýeňijiler Hormat hatlary we ýadygärlik sowgatlar bilen sylaglandylar.
Şeker HAÝTANOWA,
TMÝG-niň Daşoguz welaýatynyň
Şabat etrap Geňeşiniň esasy hünärmeni.
