Şu gün Türkmenistanyň Magtymguly adyndaky Ýaşlar Guramasynyň Merkezi Geňeşiniň gurnamagynda «Berkarar döwletiň täze eýýamynyň Galkynyşy döwri: ýaşlar syýasatynyň täze başlangyçlary we kämil geljegi gurmagyň möhüm ýoly» atly onlaýn maslahat duşuşygy geçirildi.
Täsirli geçen duşuşyga ýurdumyzyň dürli künjeklerinde zähmet çekýän bagtyýar ýaşlar, ýurdumyzyň ýokary okuw mekdepleriniň mugallymlarydyr talyplary onlaýn görnüşinde gatnaşdylar.
Ýokary guramaçylyk derejesinde geçirilen maslahat duşuşygynda Türkmenistanyň Mejlisiniň Ylym, bilim, medeniýet we ýaşlar syýasaty baradaky komitetiniň başlygy Bahar Seýidowa, Türkmenistanyň Magtymguly adyndaky Ýaşlar guramasynyň Merkezi Geňeşiniň başlygy, Mejlisiň deputaty Ýazpolat Keriýew, Aşgabat şäherindäki 28-nji orta mekdebiň müdiri Hemra Aramedow, Türkmenistanyň Magtymguly adyndaky Ýaşlar guramasynyň Daşoguz welaýat Geňeşiniň başlygy, Mejlisiň deputaty Magsat Otuzow, Türkmenistanyň Magtymguly adyndaky Ýaşlar guramasynyň Arkadag şäheriniň bölüm müdiri Umida Kakaýewa, Türkmenistanyň Magtymguly adyndaky Ýaşlar guramasynyň Aşgabat şäheriniň Büzmeýin etrap Geňeşiniň başlygy Bezirgen Orazmämmedow dagylar täsirli çykyşlar etdiler.
Hormatly Prezidentimiziň parasatly baştutanlygynda ýaş nesiller, olaryň sazlaşykly ösüşi we saglygy, mynasyp bilim-terbiýe almaklary, saýlap alan hünärine eýe bolmaklary, ylym we döredijilik, bedenterbiýe, sport bilen meşgullanmaklary üçin zerur şertleriň döredilmegi baradaky aladanyň Türkmenistanyň döwlet syýasatynyň ileri tutulýan ugurlarynyň birine öwrülendigi çykyşlaryň içinden eriş-argaç bolup geçdi.
Dabaranyň ahyrynda oňa gatnaşyjylar ýaşlaryň döwrebap bilim almagy, Watanymyza, il-halka wepaly, kämil şahsyýetler bolup ýetişmekleri üçin ähli mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini aýtdylar.
