Ýakynda Türkmenistanyň Magtymguly adyndaky Ýaşlar guramasynyň Balkan welaýatynyň Türkmenbaşy etrap we şäher Geňeşleriniň bilelikde guramagynda Halkara parahatçylyk we ynanyşmak ýylynyň ilkinji aýynda «Galkynyş» milli at üstündäki oýunlar toparynyň Monte-Karlo şäherinde sirk sungaty boýunça geçirilen halkara festiwalynda gazanan üstünlikleri dogrusynda “tegelek stoluň” başynda söhbetdeşlik geçirildi.
Söhbetdeşlikde çykyş edenler Arkadagly Gahryman Serdarymyzyň baştutanlygynda ahalteke bedewlerimiziň şan şöhratyny has-da belende götermek, olaryň baş sanyny artdyrmak ugrunda alnyp barylýan giň gerimli işler, «Galkynyş» milli at üstündäki oýunlar toparynyň Monte-Karlo şäherinde geçirilen halkara sirk festiwalynda gazanan uly üstünligi, dogrusynda buýsançly gürrüňler etdiler.
Duşuşygyň ahyrynda oňa gatnaşanlar behişti bedewlerimiziň şan-şöhratyny dünýä ýaýýan, bu ugurda alnyp barylýan işleri ösdürmekde çäksiz aladalary edýän Gahryman Arkadagymyza, Arkadagly Gahryman Serdarymyza tüýs ýürekden sagbolsun aýdyp, olaryň janlarynyň sag, tutumly işleriniň hemişe rowaçlyklara beslenmegini arzuw etdiler.
Gültäç ALYHANOWA,
Türkmenistanyň Magtymguly adyndaky
Ýaşlar guramasynyň Balkan welaýatynyň
Türkmenbaşy etrap Geňeşiniň
esasy hünärmeni.
