Ýakynda Türkmenistanyň Magtymguly adyndaky Ýaşlar guramasynyň Aşgabat şäheriniň Berkararlyk etrap Geňeşiniň etrap häkimligi bilen bilelikde guramagynda “Zenan – durmuşyň gözelligi” atly aýdym-sazly baýramçylyk dabarasy geçirildi.
Halkara zenanlar güni mynasybetli geçirilen bu çärede ýurdumyzda gelin-gyzlara goýulýan belent sarpa, ene mukaddesligi barada täsirli çykyşlar edildi. Mähriban zenanlary wasp edýän aýdym-sazlar çärä aýratyn öwüşgin çaýdy.
Dabaranyň ahyrynda oňa gatnaşanlara Türkmenistanyň Magtymguly adyndaky Ýaşlar guramasynyň Aşgabat şäheriniň Berkararlyk etrap Geňeşi tarapyndan sowgatlar we gül çemenleri gowşuryldy.
Aýgül MELÄÝEWA,
Türkmenistanyň Magtymguly adyndaky
Ýaşlar guramasynyň Aşgabat şäheriniň
Berkararlyk etrap Geňeşiniň uly buhgalteri.
