Mary welaýat kitaphanasynda geçirilen brifing duşuşygy geçirildi. Duşuşygy Türkmenistanyň Magtymguly adyndaky Ýaşlar guramasynyň Mary welaýat Geňeşi, welaýat kitaphanasy hem-de S.A.Nyýazow adyndaky Mary lukmançylyk orta okuw mekdebi bilelikde guradylar. «Ylham berýär şanly ýylyň şygary, bagtly ýaşlar wasp edýär gül Diýary» ady bilen guralan duşuşyga TMÝG-niň Mary welaýat, şäher, etrap Geňeşleriniň işgärleri, işjeň agzalary, kitaphanaçylar hem-de talyp ýaşlar gatnaşdylar.
Sowallar arkaly dowam eden brifing duşuşygynda şanly ýylymyzyň buýsançly şygarynda egsilmez many we çuň mazmun bardygyny, çünki, Arkadagly Gahryman Serdarymyzyň parahatçylyga, döredijilige we beýik ösüşe gönükdirilen içeri hem-de daşary syýasatynyň özenini ynanyşmak hem-de birek-birege hormat goýmak ýaly ajaýyp ýörelgeler düzýändigini öwran-öwran nygtadylar.
Şeýle hem çärä gatnaşanlaryň her biri bagtyýar zamanamyzda ruhubelent ýaşlarymyzyň ýürek sesini duýup, arzuwlaryny hasyl edýän Gahryman Arkadagymyzyň, Arkadagly Gahryman Serdarymyzyň adyna egsilmez alkyş sözlerini aýtdylar.
Aýjeren GELDIÝEWA,
Türkmenistanyň Magtymguly adyndaky
Ýaşlar guramasynyň Mary welaýat Geňeşiniň
Guramaçylyk bölüminiň müdiri,
Türkmenistanyň Ýaşlar baýragynyň eýesi.
