Ýaňy-ýakynda Lebap welaýatynyň Kerki etrabynyň “Ýeňiş” sport toplumynda ýaşlaryň sporta bolan höwesini artdyrmak, sagdyn durmuş ýörelgesini wagyz etmek maksady bilen, Türkmenistanyň Magtymguly adyndaky Ýaşlar guramasynyň Lebap welaýatynyň Kerki etrap Geňeşi, Kerki etrabynyň bedenterbiýe we sport bölümi bilen bilelikde guramagynda etrabyň ýaş türgenleriniň arasynda ýörite düzgünnama esasynda sportuň “Futbol” görnüşi boýunça bäsleşik geçirildi. Bäsleşikde futbol söýüjiler özleriniň zehinlerini, sporta bolan höwesini ukyp başarnyklaryny gazanan ýeňişleri bilen subut etdiler. Gyzykly we çekeleşikli geçen bäsleşigiň jemi boýunça ýeňiji bolan toparlara Türkmenistanyň Magtymguly adyndaky Ýaşlar guramasynyň Lebap welaýatynyň Kerki etrap Geňeşi tarapyndan sowgatlar we Hormat hatlary gowşuryldy.
Atajan JORAÝEW,
Türkmenistanyň Magtymguly adyndaky
Ýaşlar guramasynyň Lebap welaýatynyň
Kerki etrap Geňeşiniň guramaçylyk
bölüminiň müdiri.
