Ýaňy ýakynda Lebap welaýatynyň Köýtendag etrabynyň Kerkiçi şäherçe kitaphanasynda Türkmenistanyň Magtymguly adyndaky Ýaşlar guramasynyň Lebap welaýatynyň Köýtendag etrap Geňeşi hem-de Kerkiçi şäherçe kitaphanasy bilen bilelikde gurnamagynda etrabyň orta mekdebinde bilim alýan okuwçy ýaşlaryň gatnaşmagynda “Ajaýyp kitaplaryň waspy” ady bilen söhbetdeşlik duşuşygy geçirildi.
Duşuşykda çykyş edenler Berkarar döwletiň täze eýýamynyň Galkynyşy döwründe kitaba goýulýan sarpa, Gahryman Arkadagymyzyň we Arkadagly Gahryman Serdarymyzyň gymmatly eserleriniň terbiýeçilik ähmiýeti hakynda özleriniň çykyşlarynda belläp geçdiler.
Söhbetdeşligiň dowamynda ýaş körpe nesillerimiziň labyzly okan goşgularydyr, ertekileri hem diňlenildi. Söhbetdeşligimiziň ahyrynda oňa gatnaşyjylar Gahryman Arkadagymyzyň, Arkadagly Gahryman Serdarymyzyň janlarynyň sag, ömürleriniň uzak, il-ýurt bähbitli alyp barýan işleriniň rowaç almagyny arzuw etdiler.
Gülzar BEKMURADOWA,
Türkmenistanyň Magtymguly adyndaky
Ýaşlar guramasynyň Lebap welaýat
Geňeşiniň Köýtendag etrap Geňeşiniň
Guramaçylyk bölüminiň baş hünärmeni.
