Golaýda Lebap welaýatynyň Saýat etrabynyň 19-njy orta mekdebiniň mejlisler zalynda Türkmenistanyň Magtymguly adyndaky Ýaşlar guramasynyň Lebap welaýatynyň Saýat etrap Geňeşiniň, etrap bilim bölüminiň we beýleki jemgyýetçilik guramalary bilen bilelikde guramagynda Berkarar döwletimiziň täze eýýamynyň Galkynyşy döwründe Hormatly Prezidentimiziň alyp barýan içeri we daşary syýasatyny ýaşlaryň arasynda wagyz etmek, orta mekdebi tamamlaýan ýokary synp okuwçy ýaşlaryň arasynda soňky jaň dabarasyny guramaçylykly geçirmek maksady bilen “Bilim kämilligiň binýady” ady bilen mekdebiň ýokary synp okuwçylarynyň we mugallymlarynyň gatnaşmagynda wagyz-nesihat duşuşygy geçirildi.
Duşuşykda Saýat etrabynyň il sylagly ýaşulysy Hemraguly Agalyýew, etrap bilim bölüminiň hünärmeni Nurhan Şadyýewa, Türkmenistanyň Demokratik Partiýasynyň Saýat etrap komitetiniň partiýa guramaçysy Merjen Kurbanowa, we Ylym we Bilim işgärleriniň Kärdeşler Arkalaşygynyň Saýat etrap birleşmesiniň esasy hünärmeni Ogulnur Bazarowa, Türkmenistanyň Magtymguly adyndaky Ýaşlar guramasynyň Lebap welaýatynyň Saýat etrap Geňeşiniň guramaçylyk bölüminiň müdiri Aýjan Allaberdiýewa dagylar çykyş edip okuwçy ýaşlara edep-terbiýe, arassa ahlaklylyk, geljekde Watanymyza, il-günümize, Gahryman Arkadagymyza hem-de Arkadagly Gahryman Serdarymyza gerekli, edermen, watansöýüji ýaşlar bolup ýetişmekleri we soňky jaň dabarasyny guramaçylykly geçirmekleri barada täsirli gürrüňleri etdiler.
Duşuşygyň ahyrynda oňa gatnaşanlar şeýle eşretli bagtyýar durmuşda ýaşamaga, okamaga, halal zähmet çekmäge ähli mümkinçilikleri döredip berýän Türkmen halkynyň Milli Lideri Gahryman Arkadagymyza, Hormatly Prezidentimiz Arkadagly Gahryman Serdarymyza alkyş sözlerini aýtdylar.
Aýjan ALLABERDIÝEWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Saýat etrap Geňeşiniň guramaçylyk
bölüminiň müdiri.
