Ýakynda TMÝG-niň Mary welaýatynyň Garagum etrap Geňeşiniň guramagynda ýaşlarda kitap okamaga bolan söýgini, milli mirasa sarpany terbiýelemek, olary kitaphana çekmek maksady bilen, etrabyň 5-nji çagalar bagynyň körpeleriniň gatnaşmagynda «Kitap bilen açalyň biz dünýäni» ady bilen döredijilik duşuşygy we göçme sergi geçirildi.
Gyzykly geçen çäräniň dowamynda körpeler merkezi kitaphananyň kitaphanaçysy Aýna Akmämmedowanyň gurnan göçme sergisinde kitaphananyň bölümlerindäki kitaplaryň many-mazmuny bilen tanyş boldular.
Şeýle hem, TMÝG-niň etrap Geňeşiniň işgäri Gülnar Gurbanmyradowanyň labyzly okap bermeginde kitaphananyň ertekiler bölümindäki türkmen halk ertekili kitaplar körpelerde has-da uly täsir galdyrdy.
Ogulbagt AMANMYRADOWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Garagum etrap Geňeşiniň uly buhgalteri.
