Ýakynda Türkmenistanyň Magtymguly adyndaky Ýaşlar guramasynyň Aşgabat şäheriniň Köpetdag etrap Geňeşiniň guramagynda Gökdere jülgesinde ýerleşýän “Muhammetmyrat Nyýazow” adyndaky çagalar dynç alyş we sagaldyş merkezinde dynç alýan çagalaryň gatnaşmagynda “Sport saglygyň, ruhubelentligiň we üstünligiň girewidir” ady bilen sportuň futbol görnüşi boýunça bäsleşik geçirildi.
Çekeleşikli geçen sport çäresine gatnaşyp öz zehinlerini görkezip deň-duşlary bilen bäsleşen erjel körpeler Türkmenistanyň Magtymguly adyndaky Ýaşlar guramasynyň Aşgabat şäheriniň Köpetdag etrap Geňeşi tarapyndan ýadygärlik sowgatlar bilen sylaglandylar.
Çäräniň ahyrynda oňa gatnaşanlar ýaş nesilleriň göwnejaý dynç almagy, sport we döredijilik bilen meşgullanmagy ugrunda döredip berýän şert-mümkinçilikleri üçin Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Batyr BEGENJOW,
Türkmenistanyň Magtymguly adyndaky
Ýaşlar guramasynyň Aşgabat şäheriniň
Köpetdag etrap Geňeşiniň Guramaçylyk
bölüminiň esasy hünärmeni.
