Golaýda Türkmenistanyň Magtymguly adyndaky Ýaşlar guramasynyň Merkezi Geňeşiniň guramagynda “Milli miras — nesillere görelde” atly gepleşigiň täze sany ýazgy edildi.
Onda Halkara parahatçylyk we ynanyşmak ýylynda durmuşa geçirilýän döwletli işler, ata-babalarymyzdan gelýän milli ýol-ýörelgelerimiz, şeýle hem häzirki wagtda birnäçe senetlerimiziň ÝUNESKO-nyň Adamzadyň maddy däl medeni mirasynyň sanawyna girizilmegi ýa-da hödürlenmegi dogrusynda giňişleýin gürrüň edildi.
Gepleşigiň ahyrynda oňa gatnaşanlar milli medeniýetimizi wagyz etmekde, dünýä ýaýmakda giň mümkinçilikleri döredip berýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň adyna alkyş sözlerini beýan etdiler.
Mahym SELIMOWA,
Türkmenistanyň Magtymguly adyndaky
Ýaşlar guramasynyň Merkezi Geňeşiniň
Medeniýet we köpçülikleýin habar beriş
bölüminiň baş hünärmeni.
