Berkarar döwletiň täze eýýamynyň Galkynyşy döwründe ýurdumyzda ýaş nesliň saglygyny goramak we berkitmek ugrunda giň gerimli işler durmuşa geçirilýär. Tomus paslynyň dowam edýän günlerinde körpeleriň tomusky dynç alyş möwsümini gyzykly we täsirli geçirmekleri hem-de zyýanly endiklerden daşda durmaklaryny gazanmak maksady bilen Lebap welaýatynyň “Bagtyýarlyk” çagalar sagaldyş we dynç alyş merkezinde Türkmenistanyň Magtymguly adyndaky Ýaşlar guramasynyň Lebap welaýatynyň Çärjew etrap Geňeşiniň guramagynda dynç alýan çagalaryň arasynda «Çaga durmuşyň güli” atly dürli görnüşli materiallardan döredijilik işlerini ýasamak, milli el işleriniň görnüşlerini ýerine ýetirmek boýunça bäsleşigi geçirildi.
Geçirilen bu bäsleşige ýaş körpeler örän işjeň gatnaşdylar. Bäsleşik örän gyzykly we täsirli geçmek bilen çagalarda gyzykly täsir galdyrdy.
Bäsleşigiň ahyrynda körpelere Türkmenistanyň Magtymguly adyndaky Ýaşlar guramasynyň Lebap welaýatynyň Çärjew etrap Geňeşi tarapyndan hormat hatlary dabaraly ýagdaýda gowşuryldy.
Nasiba ŞERALIÝEWA,
Türkmenistanyň Magtymguly adyndaky
Ýaşlar guramasynyň Lebap welaýatynyň
Çärjew etrap Geňeşiniň guramaçylyk
bölüminiň esasy hünärmeni.
