Ýakynda Türkmenistanyň Magtymguly adyndaky Ýaşlar guramasynyň Aşgabat şäheriniň Köpetdag etrap Geňeşiniň hem-de Türkmen döwlet medeniýet institutynyň bilelikde guramagynda institutyň girelgesinde “tegelek stoluň” başynda söhbetdeşlik duşuşygy geçirildi.
Söhbetdeşligiň dowamynda häzirki wagtda ýaş nesilleriň kämil şahsyýetler bolup ýetişmekleri üçin ýurdumyzda giň gerimli işleriň alnyp barylýandygy, ýurdumyzy durmuş-ykdysady taýdan ösdürmekde uly orun tutýandygy, ýaşlar syýasatynyň milli döwlet bähbitleriniň ileri tutulýan ugurlaryň biridigi dogrusynda aýratyn belläp geçdiler.
Duşuşygyň ahyrynda oňa gatnaşanlar bagtyýar durmuşy peşgeş beren türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň adyna alkyş sözlerini beýan etdiler.
Oguljahan TÖRÄÝEWA,
Türkmenistanyň Magtymguly adyndaky
Ýaşlar guramasynyň Aşgabat şäheriniň
Köpetdag etrap Geňeşiniň Guramaçylyk
bölüminiň müdiri.
