BAGTYÝARLYK MEKANY GÖKDERE

Ýakynda Türkmenistanyň Magtymguly adyndaky Ýaşlar guramasynyň Aşgabat şäheriniň Köpetdag etrap Geňeşiniň guramagynda Gökdere jülgesinde ýerleşýän «Nebitçi» çagalar dynç alyş we sagaldyş merkezinde «Bagtyýarlyk mekany Gökdere» ady bilen sportuň dürli görnüşleri boýunça çäreler geçirildi.

Bu gözel künjekde dynç alýan çagalar üçin bu tomusky dynç alyş möwsümi turuwbaşdan aýratyn ýatdagalyjy pursatlara baýlygy bilen tapawutlandy. Çäräniň dowamynda körpeler sportuň dürli görnüşleri boýunça toparlaýyn we ýekebara görnüşde özara bäsleşdiler we öz ukyplaryny görkezdiler. Çagalara gurnaýjylar tarapyndan ýadygärlik sowgatlary gowşuryldy.

Baýmyrat DÖWLETGELDIÝEW,

Türkmenistanyň Magtymguly adyndaky

Ýaşlar guramasynyň Aşgabat şäheriniň

Köpetdag etrap Geňeşiniň Guramaçylyk

bölüminiň baş hünärmeni.