Golaýda Türkmenistanyň Magtymguly adyndaky Ýaşlar guramasynyň Balkan welaýatynyň Esenguly etrap Geňeşi, etrap bilim bölümi bilen bilelikde guramagynda etrabyň çagalar bakja-bagynda terbiýelenýän körpeleriň arasynda ‹‹Dil bilen dünýäni gezer›› atly dersler boýunça bäsleşik güni geçirildi.
Bäsleşikde körpeler gözel tebigatymyzy, dost-doganlygy wasp edýän dürli suratlar bilen sözlemleri düzmek arkaly öz zehinlerini, ukyp-başarnyklaryny doly açyp görkezdiler.
Bu çekeleşikli geçen bäsleşik, ökde körpeleri ýüze çykarmak bilen, ýeňiji bolan çagajyklara Türkmenistanyň Magtymguly adyndaky Ýaşlar guramasynyň Balkan welaýatynyň Esenguly etrap Geňeşiniň ýadygärlik sowgatlary dabaraly ýagdaýda gowşuryldy.
Akgül HYDYROWA,
Türkmenistanyň Magtymguly adyndaky Ýaşlar guramasynyň
Balkan welaýatynyň Esenguly etrap Geňeşiniň
uly buhgalteri.
