Ýakynda Türkmenbaşy dokma toplumynyň Magtymguly adyndaky ilkinji Ýaşlar guramasynyň guramagynda Gökdere jülgesinde ýerleşýän «Beýik Serdaryň ruhubelent nesilleri» atly çagalar dynç alyş we sagaldyş merkezinde dynç alýan çagalaryň gatnaşmaklarynda «Sport – sagdynlyk we ruhubelentlik» atly dürli görnüşli sport çäresi geçirildi.
Bu ýerde wagtyny gyzykly we peýdaly geçirýän çagalar, dag eteginde arassa howanyň astynda, sportuň dürli görnüşleri boýunça öz ukyp başarnyklaryny görkezdiler. Sport çäresine gatnaşan çagalaryň ählisine Türkmenbaşy dokma toplumynyň Magtymguly adyndaky ilkinji Ýaşlar guramasy tarapyndan ýadygärlik sowgatlary gowşuryldy.
Sport çäresiniň ahyrynda oňa gatnaşan körpe nesiller, ýurdumyzy bagtyýar çagalygyň mekanyna öwüren türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň adyna alkyş sözlerini beýan etdiler.
Osman AŞYROW,
Türkmenbaşy dokma toplumynyň Magtymguly
adyndaky Ilkinji Ýaşlar guramasynyň başlygy.
