Ýakynda Köýtendag etrabynyň 20960 harby bölüminiň mejlisler zalynda Türkmenistanyň Magtymguly adyndaky Ýaşlar guramasynyň Lebap welaýatynyň Köýtendag etrap Geňeşiniň hem-de 20960 harby bölüminiň bilelikde guramagynda, wagyz-nesihat çäresi geçirildi.
Berkarar döwletiň täze eýýamynyň Galkynyşy döwründe Gahryman Arkadagymyzyň, Arkadagly Gahryman Serdarymyzyň dünýä bähbitli, umumadamzat ähmiýetli işleri aý-ýyllara özboluşly öwüşgin berip, taryhyň altyn sahypalaryna ebedilik ýazylýar. Bu özgerişler ähli ulgamlar bilen bir hatarda Ýaragly Güýçlerimiziň hem kämil binýadyny kemala getirýär. Milli Liderimiziň parasatly başlangyçlaryndan gözbaş alýan giň gerimli harby özgertmeler Watan goragçylarynyň maşgala ýagdaýyny, ýaşaýyş-durmuş şertlerini barha gowulandyryp, harby-syýasy başlangyçlaryň döwrebap derejesiniň kemala gelmegine mynasyp täsirini ýetirýär. Goranyş häsiýetli milli goşunymyzyň söweşjeň taýýarlygyny ýokarlandyrmaga, ony öňdebaryjy harby tehnikalar bilen üpjün etmäge gönükdirilen köptaraply harby özgertmeler üstünlikli durmuşa geçirilýär. Bu başlangyçlar göniden-göni harby gullukçylaryň hünär derejesini ýokarlandyrmaga, Ýaragly Güýçlerimiziň goranyş kuwwatyny artdyrmaga gönükdirilendir. Täze eýýamda 20960 harby bölüminde zähmet çekýän, öz käriniň eýesi bolan serkerdeler, borçnama boýunça harby gullukçylar belent maksatly işleri alyp barýarlar. Şu ugurda ýurdumyzda hereket edýän 20960 harby bölüminiň hem uly paýy bar.
Duşuşygyň dowamynda edilen çykyşlarda Watan mertebesini, mukaddesligi, ony goramagyň, gözümiziň göreji ýaly ezizläp saklamagyň nesilleriň borjudygy barada aýdylyp, esgerlere watansöýüjilik bilen bagly gymmatly öwüt-ündewler berildi.
Döwletgeldi ALLABERDIÝEW,
Türkmenistanyň Magtymguly adyndaky
Ýaşlar guramasynyň Lebap welsýatynyň
Köýtendag etrap Geňeşiniň Guramaçylyk
bölüminiň esasy hünärmeni.
