Ýakynda Türkmenistanyň Magtymguly adyndaky Ýaşlar guramasynyň Mary welaýatynyň Türkmengala etrap Geňeşiniň guramagynda «Arkadagyň bagtyýar nesilleri» çagalar sagaldyş we dynç alyş merkezinde «Çaga – durmuşyň güli» ady bilen sportuň dürli görnüşleri boýunça ýaryşlar geçirildi. Geçirilen ýaryşlarda çagalar öz ukyp-başarnyklaryny görkezdiler. Ýaş nesilleriň tomusky dynç alyş möwsümini şadyýan geçirmeklerini gazanmak, sporta bolan höwesini artdyrmak maksady bilen guralan ýaryşlara merkezdäki çagalar işjeň gatnaşdylar.
Ýaryş diýseň gyzykly hem täsirli geçdi. Onda çagalar sportuň dürli görnüşleri boýunça ýaryşdylar we özleriniň ussatlyklaryny görkezdiler. Netijede ýaryşlarda ýeňiji bolan çagalara Türkmenistanyň Magtymguly adyndaky Ýaşlar guramasynyň Mary welaýatynyň Türkmengala etrap Geňeşi tarapyndan Hormat hatlary we ýadygärlik sowgatlary gowşuryldy.
Ýaryşyň ahyrynda bagtyýar çagalaryň ählisi ýurdumyzda çagalaryň oňat dynç almagy, wagtlarynyň şadyýan geçirmekleri ugrunda döredilýän giň mümkinçilikler üçin türkmen halkynyň Milli Lideri Gahryman Arkadagymyza, hormatly Prezidentimiz Arkadagly Gahryman Serdarymyza çäksiz sagbolsunlaryny aýtdylar.
Bilbil JUMAÝEWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Türkmengala etrap Geňeşiniň baş hünärmeni.
