Golaýda Türkmenistanyň Magtymguly adyndaky Ýaşlar guramasynyň Balkan welaýatynyň Etrek etrap Geňeşiniň guramagynda etrabyň 2118 harby bölümiň mejlisler zalynda çagyryş boýunça harby gullukçylaryň arasynda «Kitap bilimiň çeşmesi» ady bilen wagyz-nesihat duşuşygy geçirildi.
Duşuşygyň dowamynda çykyş edenler Gahryman Arkadagymyzyň we Arkadagly Gahryman Serdarymyzyň döwet galamyndan syzylyp çykan ähli kitaplarynyň many-mazmuny we edep-terbiýe ähmiýetli çuňňur manyly eserleri dogrusynda giňişleýin gürrüňler edildi.
Duşuşygyň ahyrynda oňa gatnaşanlar Watan goragçylaryna edermen türkmen ýigitleri bolup ýetişmäge ähli aladalary edýän hem-de çagyryş boýunça harby gullukçylaryň öwrenmäge kitap okamaga giň mümkinçilikleri döredip berýän Gahryman Arkadagymyzyň we Arkadagly Gahryman Serdarymyzyň janlarynyň sag, belent başlarynyň aman bolmagyny, il ähmiýetli, ýurt bähbitli tutumly işleriniň hemişe rowaçlyklara beslenmegini arzuw etdiler.
Züleýha BAÝMÄMMEDOWA,
Türkmenistanyň Magtymguly adyndaky
Ýaşlar guramasynyň Balkan welaýatynyň
Etrek etrap Geňeşiniň başlygy.
