Türkmenistanyň Magtymguly adyndaky Ýaşlar guramasynyň Arkadag şäheriniň Geňeşiniň guramagynda Halkara parahatçylyk we ynanyşmak ýylynyň 20-nji awgustynda Türkmenistanyň Halk Maslahatynyň Başlygy Gahryman Arkadagymyzyň başlyklyk etmeginde geçirilen Halk Maslahatynyň Prezidiumynyň Mejlisinde seredilen meseleleri, öňde goýulan wezipeleri maslahatlaşmak, ýurdumyzyň içeri we daşary syýasatyna ýaşlaryň işjeň gatnaşmagyny gazanmak maksady bilen «tegelek stoluň» başyndaky söhbetdeşlik geçirildi.
«Ýaşlar bilen döwletli başlangyçlar rowaçlanýar» atly şygar bilen geçirilen bu söhbetdeşlikde ata-babalarymyzdan miras galan milli ýol-ýörelgelerimiz esasynda geçirilýän Halk Maslahatynyň ýurdumyzyň ykdysady kuwwatyny beýgeltmekdäki, halkymyzyň ýaşaýyş-durmuş derejesini ýokarlandyrmakdaky ähmiýeti dogrusynda täsirli gürrüňler edildi.
Beýzaly ATAÝEW,
Türkmenistanyň Magtymguly adyndaky
Ýaşlar guramasynyň Arkadag şäheriniň
Geňeşiniň başlygynyň orunbasary.
