Golaýda Mary welaýat häkimliginiň, jemgyýetçilik guramalarynyň hem-de welaýat Medeniýet müdirliginiň bilelikde guramagynda welaýatyň «Türkmeniň Ak öýi» binasynyň öňündäki meýdançada Türkmenistanyň Prezidentiniň «Türkmeniň Altyn asyry» atly bäsleşiginiň çäklerinde höwesjeň aýdymçy ýaşlaryň arasynda «Ýaňlan, Diýarym!» telebäsleşiginiň Mary welaýat tapgyry geçirildi.
Bäsleşikde birnäçe ýaş aýdymçylar öz ukyp-başarnyklaryny görkezdiler. Dabarada ýerine ýetirilen aýdymlar oňa gatnaşyjylara şatlyk duýgularyny paýlady.
Bäsleşigiň netijelerine laýyklykda, Garagum etrabynyň medeniýet merkeziniň çeper höwesjeňi Hojanepes Ataýew we Türkmengala etrabynyň medeniýet öýüniň aýdymçysy Remezan Işankulyýew «Ýaňlan, Diýarym!» telebäsleşiginiň Mary welaýat tapgyrynyň ýeňijileri diýlip yglan edildi.
Bäsleşigiň ahyrynda oňa gatnaşanlar türkmen halkynyň Milli Lideri Gahryman Arkadagymyzyň hem-de Arkadagly Gahryman Serdarymyzyň janlarynyň sag, ömürleriniň uzak, tutýan tutumly işleriniň hemişe rowaç bolmagyny arzuw etdiler.
Maksat BÄŞIMOW,
Türkmenistanyň Magtymguly adyndaky
Ýaşlar guramasynyň Mary welaýat Geňeşiniň
Umumy bölüminiň sanly ulgam boýunça
esasy hünärmeni.
