Türkmenistanyň ÝUNESKO bilen gatnaşyklary Garaşsyzlyk ýyllaryndan başlap täze mazmun bilen baýlaşdy.
Bilşimiz ýaly, ÝUNESKO-nyň Bütindünýä mirasynyň sanawyna biziň döwletimiz boýunça Gadymy Merw taryhy-medeni ýadygärlikler toplumy, Köneürgenç şäheri, Köne we Täze Nusaý galalary goşuldy.
Türkmenistan — ÝUNESKO hyzmatdaşlygynyň ähmiýeti diňe bir milli çäkde däl, eýsem, dünýä derejesinde hem uludyr. Bu gatnaşyklar adamzadyň umumy medeni mirasynyň goralmagyna goşant goşýar, halklaryň arasynda özara düşünişmäni we ynamy güýçlendirýär, dünýä jemgyýetçiliginde parahatçylykly gatnaşyklary pugtalandyrýar, durnukly ösüşiň maksatlaryna ýetmäge ýardam edýär.
Döwletimiz tarapyndan öňe sürülýän, ýurdumyzyň taryhy-medeni ýadygärlikleriniň aýawly saklanmagyny we wagyz edilmegini üpjün etmäge, ÝUNESKO bilen hyzmatdaşlygynyň işjeňleşdirilmegine gönükdirilen oňyn başlangyçlar BMG-niň giň goldawyna mynasyp boldy. Bularyň ählisi Arkadagly Gahryman Serdarymyzyň türkmen halkynyň we tutuş adamzadyň belent ýörelgeleriniň dabaralanmagynyň bähbidine medeni we ylmy diplomatiýasynyň üstünliklere beslenýändiginiň aýdyň güwäsidir.
Dinara KARIMOWA,
Türkmenistanyň Magtymguly adyndaky
Ýaşlar Guramasynyň Lebap welaýat Geňeşiniň
Guramaçylyk bölüminiň baş hünärmeni.
