Ýakynda Türkmenistanyň Magtymguly adyndaky Ýaşlar guramasynyň Lebap welaýatynyň Türkmenabat şäher Geňeşiniň, Lebap welaýat Baş bilim müdirliginiň hem-de Lebap welaýatynyň Taryhy we ülkäni öwreniş muzeýiniň bilelikde guramagynda Bilimler we talyp ýaşlar güni mynasybetli medeniýet we bilim ulgamlarynda zähmet çekýän ýaş hünärmenleriň gatnaşmagynda «Bilimli ýaşlar — Watan kuwwaty» ady bilen maslahat duşuşygy geçirildi.
Maslahat duşuşygynyň dowamynda çykyş edenler ýaşlaryň kämil şahsyýetler bolup ýetişmekleri ugrunda alnyp barylýan işler barada giňişleýin gürrüň berdiler. Döwlet Baştutanymyzyň tagallasy bilen Watanymyzyň geljegi bolan ýaş nesliň mümkinçiliklerini durmuşa geçirmek üçin hukuk, durmuş-ykdysady hem-de guramaçylyk şertleriniň yzygiderli üpjün edilýändigini aýratyn belläp geçdiler.
Maslahat duşuşygynyň ahyrynda oňa gatnaşanlar ýurdumyzyň bagtyýar nesilleriniň dünýä ülňülerine laýyk bilim almagy, hünär edinmegi, ruhy we beden taýdan sagdyn bolup ýetişmekleri üçin giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Gülşat ÇARYÝEWA,
Türkmenistanyň Magtymguly adyndaky
Ýaşlar Guramasynyň Lebap welaýatynyň
Türkmenabat şäher Geňeşiniň Guramaçylyk
bölüminiň esasy hünärmeni.
