Ýaňy ýakynda “Awaza” milli syýahatçylyk zolagynda türkmen halkynyň Milli Lideri, Türkmenistanyň Halk Maslahatynyň Başlygy Gahryman Arkadagymyzyň Azerbaýjan Respublikasynyň hem-de Özbegistan Respublikasynyň Prezidentleri bilen bilelikde geçirilen goňşuçylyk gatnaşyklaryny pugtalandyrýan üçtaraplaýyn duşuşygynyň ähmiýetini ýaşlara wagyz etmek maksady bilen Türkmenistanyň Magtymguly adyndaky Ýaşlar Guramasynyň Lebap welaýatynyň Türkmenabat şäher Geňeşiniň guramagynda Türkmenabat şäheriniň “Bagt köşgi” toý-dabaralar zalynda işjeň agzalaryň hem-de hünärmenleriň gatnaşmagynda «Dostluk we hoşniýetli goňşuçylyk ýörelgelerine sarpa» ady bilen tegelek stoluň başyndaky söhbetdeşlik duşuşugy geçirildi.
Söhbetdeşlik duşuşygynyň dowamynda “Awaza” milli syýahatçylyk zolagynda üç döwletiň arasynda geçirilen ýokary derejeli duşuşygyň ähmiýeti, soňky ýyllarda bilelikdäki tagallalaryň netijesinde bu gatnaşyklaryň hil taýdan täze derejä çykarylmagy, ýurtlaryň arasynda syýasy, söwda-ykdysady, medeni-ynsanperwer ulgamlardaky döwletara gatnaşyklary giňeltmäge möhüm ähmiýet berilýändigi dogrusynda täsirli gürrüňler edildi.
Söhbetdeşlik duşuşygynyň ahyrynda oňa gatnaşanlar ýaşlaryň watansöýüji, zähmetsöýer, maksada okgunly, ruhubelent we päk ahlakly, ylymly, bilimli nesiller bolup ýetişmekleri üçin giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Laçyn AKYÝEWA,
Türkmenistanyň Magtymguly adyndaky
Ýaşlar Guramasynyň Lebap welaýatynyň
Türkmenabat şäher Geňeşiniň Guramaçylyk
bölüminiň baş hünärmeni.
