Türkmenistanyň Magtymguly adyndaky Ýaşlar guramasynyň Aşgabat şäheriniň Köpetdag etrap Geňeşiniň hem-de Türkmen döwlet maliýe institutynyň bilelikde guramagynda talyp ýaşlaryň gatnaşmagynda bilimler we talyp ýaşlar güni mynasybetli wagyz-nesihat duşuşygy geçirildi.
Çäräniň dowamynda täze 2025-2026-njy okuw ýylynyň başlanmagy bilen hem-de bu ýokary okuw mekdebine girmek bagty miýesser eden talyp ýaşlary gutlap Gahryman Arkadagymyzyň hem-de Arkadagly Gahryman Serdarymyzyň ýaşlar baradaky atalyk aladalary, durmuş-ykdysady, medeni, ynsanperwer ýörelgeler baradaky çykyşlara giň orun berildi.
Duşuşygyň ahyrynda oňa gatnaşanlar ýaşlara bilim almaga, döredijilik bilen meşgullanmaga, zähmet çekmäge, hünär öwrenmäge giň mümkinçilikleri döredip berýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň adyna alkyş sözlerini beýan etdiler.
Nurmuhammet DÖWLETOW,
Türkmenistanyň Magtymguly adyndaky Ýaşlar guramasynyň
Aşgabat şäheriniň Köpetdag etrap Geňeşiniň başlygy.
