Ýakynda Aşgabat şäheriniň Berkararlyk etrap häkimliginiň, Türkmenistanyň Magtymguly adyndaky Ýaşlar guramasynyň Aşgabat şäheriniň Berkararlyk etrap Geňeşiniň bilelikde guramagynda etrap häkimliginiň mejlisler zalynda edara-kärhanalarda zähmet çekýän ýaşlaryň gatnaşmagynda “Saglyk jemgyýetiň binýady” ady bilen wagyz-nesihat duşuşygy geçirildi.
Çäräniň dowamynda çykyş edenler Gahryman Arkadagymyzyň asylly başlangyçlaryny mynasyp dowam etdirýän Arkadagly Gahryman Serdarymyzyň parasatly baştutanlygynda saglygy goraýyş ulgamyny ösdürmekde durmuşa geçirilýän giň gerimli işleriň bu gün öz miwesini berýändigini, saglygyň iň gymmatly baýlyk bolmak bilen bagtyýar durmuşymyzyň berk binýadydygyny aýratyn bellediler.
Wagyz-nesihat duşuşygynyň ahyrynda oňa gatnaşanlar ýaşlaryň mynasyp bilim-terbiýe almagy, sport bilen meşgullanmagy ugrunda giň mümkinçilikleri döredip berýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň adyna alkyş sözlerini beýan etdiler.
Ogulgurban SAPARDURDYÝEWA,
Türkmenistanyň Magtymguly adyndaky Ýaşlar guramasynyň
Aşgabat şäheriniň Berkararlyk etrap Geňeşiniň
Guramaçylyk bölüminiň baş hünärmeni.
