Ýakynda Türkmenistanyň Magtymguly adyndaky Ýaşlar guramasynyň Ahal welaýat Geňeşiniň guramagynda welaýat kitaphanasynda ýaşlaryň gatnaşmagynda geçirilen «tegelek stoluň» başyndaky söhbetdeşlik Halkara parahatçylyk we ynanyşmak ýylyna bagyşlandy.
Söhbetdeşligiň dowamynda «Awaza» milli syýahatçylyk zolagynda üstünlikli geçirilen Birleşen Milletler Guramasynyň Deňze çykalgasy bolmadyk ösüp barýan döwletler boýunça üçünji maslahatynyň we onuň çägindäki Ýaşlar forumynyň taryhy ähmiýeti barada durlup geçildi. Şeýle hem, Birleşen Milletler Guramasy tarapyndan kabul edilen Durnukly ösüş maksatlaryny gazanmakda ýaşlaryň aýratyn orun eýeleýändikleri, bu maksatlaryň ugurlaryň giň toplumyny, şol sanda ýokary hilli bilim almagy üpjün etmek, daşky gurşawy goramak we ykdysady ösüşe ýardam bermek ýaly möhüm ugurlary öz içine alýandygy dogrusynda giňişleýin gürrüň etdiler.
Söhbetdeşligiň ahyrynda oňa gatnaşanlar ýaşlar bilen bagly halkara hyzmatdaşlyga aýratyn üns gönükdirýän, ýaşlaryň bagtyýarlygy barada uly alada edýän Gahryman Arkadagymyzyň we Arkadagly Gahryman Serdarymyzyň adyna alkyş sözlerini beýan etdiler.
Begenç BERDINAZAROW,
Türkmenistanyň Magtymguly adyndaky Ýaşlar guramasynyň
Ahal welaýat Geňeşiniň Guramaçylyk bölüminiň esasy hünärmeni.
