Golaýda Türkmenistanyň Magtymguly adyndaky Ýaşlar guramasynyň Ahal welaýat Geňeşiniň hem-de welaýatyň bedenterbiýe we sport baradaky Baş müdirliginiň bilelikde guramagynda Änew şäheriniň sport mekdebinde erkin göreş boýunça ýaryş geçirildi. Halkara parahatçylyk we ynanyşmak ýylynyň şanyna guralan ýaryşa welaýatymyzyň ýetginjek türgenleriň onlarçasy gatnaşdy.
Ýurdumyzda sporty we bedenterbiýäni ösdürmek, ýaşlary sporta çekmek we sport ussatlygyny ýokarlandyrmak babatda edilýän tagallalardan ugur alnyp geçirilen ýaryş uly gyzyklanma döretdi. Onda ýaş türgenler degişli agram derejeleri boýunça özaralarynda gyzykly tutluşyklary alyp bardylar. Ýaryş agram derejeleriň her biri boýunça güýçlüleri ýüze çykardy. Ýaryşyň ahyrynda ýeňijilere guramaçylar tarapyndan Hormat hatlary hem-de ýadygärlik sowgatlar gowşuryldy.
Annamuhammet GULOW,
Türkmenistanyň Magtymguly adyndaky Ýaşlar guramasynyň
Ahal welaýat Geňeşiniň Guramaçylyk bölüminiň müdiri.
