Golaýda şeýle at bilen Türkmenistanyň Magtymguly adyndaky Ýaşlar guramasynyň Mary welaýatynyň Sakarçäge etrap Geňeşiniň hem-de medeniýet öýüniň merkezi kitaphanasynyň bilelikde guramagynda etrabyň medeniýet öýüniň kitaphanasynda maslahat duşuşygy geçirildi. Geljegimiz bolan ýaş nesillerimiziň döwrebap bilim almagy, erkin we bagtyýar ýaşamagy ugrunda edilýän aladalary ýaşlaryň arasynda düşündirmek maksady bilen geçirilen duşuşyga etrabyň medeniýet öýüniň merkezi kitaphanasynyň işgärleri, Türkmenistanyň Demokratik Partiýasynyň Sakarçäge etrap komitetiniň hem-de Türkmenistanyň Magtymguly adyndaky Ýaşlar guramasynyň Mary welaýatynyň Sakarçäge etrap Geňeşiniň hünärmenleri we işjeň agzalary gatnaşdylar.
Duşuşykda kitaphananyň müdiri Selbinýaz Geldiýewa, Türkmenistanyň Magtymguly adyndaky Ýaşlar guramasynyň Sakarçäge etrap Geňeşiniň esasy hünärmeni Çynar Hoşgeldiýewa, Türkmenistanyň Demokratik Partiýasynyň Sakarçäge etrap komitetiniň işgäri Mahym Hojagulyýewa çykyş etdiler. Olar öz çykyşlarynda ýaşlar barada edilýän bimöçber aladalar, ýaşlary kitaphanalara çekmekde alnyp barylýan işler dogrusynda giňişleýin gürrüň berdiler.
Duşuşygyň ahyrynda oňa gatnaşanlar ýurdumyzy beýik ösüşlere besleýän Gahryman Arkadagymyza, Arkadagly Gahryman Serdarymyza çäksiz sagbolsunlaryny aýtdylar.
Owadan ATDAÝEWA,
Türkmenistanyň Magtymguly adyndaky
Ýaşlar guramasynyň Mary welaýatynyň
Sakarçäge etrap Geňeşiniň Guramaçylyk
bölüminiň müdiri.
