Ýakynda Ýaşulularyň halkara güni mynasybetli il ýaşulysy Hudaýguly Ereşowyň döwletli ojagynda “Halypa tejribesi ýaşlara görelde” atly çaý başynda aýdym-sazly söhbetdeşlik duşuşygy geçirildi.
Söhbetdeşligiň dowamynda ýurdumyza Garaşsyzlygymyzyň beren bagty, eziz Diýarymyzyň bedew batly ösüşleri, gazanylan üstünlikler, Gahryman Arkadagymyzyň, Arkadagly Gahryman Serdarymyzyň edýän aladalary netijesinde alnyp barylýan işler hakynda giňişleýin gürrüňler edildi. Her ýylda Ýaşulularyň halkara gününiň ýurt derejesinde dabaraly bellenilýändigini, Gahryman Arkadagymyzyň başlangyçlary esasynda peder ýoluny mynasyp dowam edýän Arkadagly Gahryman Serdarymyzyň baştutanlygynda döwletimizde ýaşulularyň sarpasynyň belent tutulýandygyny nygtap geçdiler. Şeýle-de il ýaşulymyz Hudaýguly Ereşowa Türkmenistanyň Magtymguly adyndaky Ýaşlar guramasynyň Lebap welaýat Geňeşi tarapyndan sowgat gowşuryldy.
Gürrüňdeşligiň ahyrynda ýurdumyzyň gülläp ösmegi, halkymyzyň abadan durmuşda ýaşamagy üçin taýsyz tagallalary edýän Gahryman Arkadagymyzyň, Arkadagly Gahryman Serdarymyzyň janlarynyň sag, tutýan il-ýurt bähbitli işleriniň elmydama rowaçlyklara beslenmegini arzuw etdiler.
Aýjahan MOLLAÝEWA,
Türkmenistanyň Magtymguly adyndaky Ýaşlar guramasynyň
Lebap welaýat Geňeşiniň Guramaçylyk bölüminiň esasy hünärmeni.
