Ýakynda Aşgabat dokma toplumynyň Magtymguly adyndaky ilkinji Ýaşlar guramasynyň guramagynda toplumda zähmet çekýän dokmaçy zenanlaryň gatnaşmagynda ýurdumyzda giňden bellenilýän Türkmenistanyň Saglygy goraýyş we derman senagaty işgärleriniň güni mynasybetli «Saglygym — baş baýlygym» atly wagyz-nesihat duşuşygy geçirildi.
Çäräniň dowamynda çykyş edenler saglygyň bagtyýarlygyň hem ösüşiň esasydygyny, rowaçlyklaryň, üstünlikleriň gözbaşydygyny, Türkmenistanyň Saglygy goraýyş we derman senagaty işgärleriniň güni mynasybetli açylyp, ulanylmaga berilýän hassahanalaryň, merkezleriň, saglyk öýleriniň, olaryň içinde dünýäniň öňdebaryjy öndürijileriniň döwrebap lukmançylyk enjamlarynyň ornaşdyrylmagynyň döwletimizde adam saglygyny goramak ugrunda alnyp barylýan işleriň aýdyň netijesidigini aýratyn nygtadylar.
Çäräniň ahyrynda oňa gatnaşanlar Berkarar döwletimiziň täze eýýamynyň Galkynyşy döwründe halkymyzyň saglygyny goramak ugrunda beýik işleri durmuşa geçirýän türkmen halkynyň Milli Lideri Gahryman Arkadagymyzyň, hormatly Prezidentimiz Arkadagly Gahryman Serdarymyzyň adyna alkyş sözlerini beýan etdiler.
Gunça SÖÝÜNOWA,
Aşgabat dokma toplumynyň Magtymguly adyndaky
ilkinji Ýaşlar guramasynyň uly buhgalteri.
