Ýakynda Türkmenistanyň Magtymguly adyndaky Ýaşlar guramasynyň Aşgabat şäheriniň Bagtyýarlyk etrap Geňeşi, Aşgabat şäheriniň Bagtyýarlyk etrap häkimligi we harby we hukuk goraýjy edaralarynyň wekilleriniň gatnaşmaklarynda häkimligiň mejlisler zalynda «Halkara parahatçylyk we ynanyşmak» ýylynda Diýarymyzda ýokary derejede guramaçylykly geçirilen Türkmenistanyň Halk Maslahatynyň nobatdaky mejlisiniň dowamynda ýurdumyzyň içeri we daşary syýasaty bilen bagly garalan möhüm wezipeleriň ähmiýetini ýaşlara düşündirmek maksady bilen «Belent maksatlar – aýdyň geljek» atly şygar astynda wagyz-nesihat duşuşygy geçirildi.
Duşuşygyň dowamynda çykyş edenler Halk Maslahatynyň nobatdaky mejlisinde kabul edilen çözgütler we kararlar barada giňişleýin gürrüň edip, oňyn özgertmeleriň ählisi halkymyzyň bagtyýar, abadan, erkin, parahat durmuşda ýaşamagynyň bähbidine amala aşyrylýan işlerdigi barada çykyşlarda belläp geçdiler.
Wagyz-nesihat duşuşygynyň ahyrynda oňa gatnaşanlar, halkymyzyň abadan bolelin durmuşda ýaşamagy üçin uly mümkinçilikleri döredip berýän türkmen halkynyň milli Lideri Gahryman Arkadagymyzyň we Arkadagly Gahryman Serdarymyzyň adyna alkyş we hoşallyk sözlerini beýan etdiler.
Serdar NAZAROW,
Türkmenistanyň Magtymguly adyndaky Ýaşlar guramasynyň
Aşgabat şäheriniň Bagtyýarlyk etrap Geňeşiniň
Guramaçylyk bölüminiň müdiri.
