Golaýda Türkmenistanyň Magtymguly adyndaky Ýaşlar guramasynyň Mary welaýatynyň Tagtabazar etrap Geňeşiniň hem-de etrap bilim bölüminiň bilelikde guramagynda etrabyň 9-njy orta mekdebinde “Sport — gujurly ýaşlaryň güýji” atly sportuň şaşka görnüşi boýunça mekdep okuwçylarynyň arasynda bäsleşik geçirildi.
Bäsleşigiň baş maksady ýaş nesli beden we ruhy taýdan sagdyn ýetişdirmekden, okuwçylaryň sporta bolan höwesini ýokarlandyrmakdan ybarat boldy. Gyzykly geçen bäsleşikde okuwçylar özleriniň ukyp-başarnyklaryny görkezdiler. Bäsleşikde ýeňiji bolanlara Türkmenistanyň Magtymguly adyndaky Ýaşlar guramasynyň Mary welaýatynyň Tagtabazar etrap Geňeşi tarapynda ýadygärlik sowgatlary gowşuryldy.
Bäsleşigiň ahyrynda oňa gatnaşanlar ýaşlaryň sporta bolan höwesini artdyrmakda giň mümkinçilikleri döredip berýän Gahryman Arkadagymyzyň, Arkadagly Gahryman Serdarymyzyň adyna alkyş sözlerini beýan etdiler.
Wepa BERDIGYLYJOW,
Türkmenistanyň Magtymguly adyndaky Ýaşlar guramasynyň
Mary welaýatynyň Tagtabazar etrap Geňeşiniň uly buhgalteri.
