Golaýda, Lebap welaýatynyň Köýtendag etrabynyň 5-nji orta mekdebinde Türkmenistanyň Magtymguly adyndaky Ýaşlar guramasynyň Lebap welaýatynyň Köýtendag etrap Geňeşiniň gurnamagynda mekdep okuwçylaryň gatnaşmagynda «Tebigy bilimler» hepdeligi geçirildi.
Hepdelik mynasybetli mugallymlaryň okuw gollanmalarydyr kitaplary, mekdep okuwçylary tarapyndan elde çekilen suratlary sergi edildi. Sergide gyzykly taryhy maglumatlary, milli gymmatlyklarymyzy, tebigatymyzyň owadanlygyny özünde jemleýän suratlar, ylmy maglumatlar ýaýbaňlandyryldy. Hepdeligiň çäginde geçirilen açyk sapaklara, ýaryşlara we zehin bäsleşiklerine okuwçylar işjeň gatnaşdylar.
Hepdelige işjeň gatnaşan okuwçylara Türkmenistanyň Magtymguly adyndaky Ýaşlar guramasynyň Lebap welaýatynyň Köýtendag etrap Geňeşi tarapyndan Hormat hatlary gowşuryldy.
Şahnoza GAPPAROWA,
Türkmenistanyň Magtymguly adyndaky Ýaşlar guramasynyň
Lebap welaýatynyň Köýtendag etrap Geňeşiniň Guramaçylyk
bölüminiň sanly ulgam boýunça esasy hünärmeni.
