At rysgaly alnynda.
* * *
At saklamak – han saklamak.
* * *
At öler – meýdan galar, ýigit öler – şan galar.
* * *
At ölse, it şatlanar, baý ölse – molla.
* * *
At satsaň, obaňa geňeş.
* * *
At tapýançaň, eşek sakla, düýe tapýançaň – köşek.
* * *
At toýnagyna at çydar.
* * *
At ürken ýerinden, är gorkan ýerinden.
* * *
At üsti hyýally, dag başy dumanly.
* * *
At üstüne müneni tanar.
* * *
At ýaryşda, är söweşde.
* * *
At – ýigidiň diregi, haly – gyzyň ýüregi.
* * *
At yzy it yzyna garyşmaz.
* * *
Ata çykan alysy görer.
* * *
Ata dost ýaly seret-de, duşman ýaly mün.
* * *
Ata – gamçy, eşege – taýak.
* * *
Ata gerim gerek, ýigide – dost.
* * *
Ata müneňde Allany, atdan düşeňde aty unutma.
* * *
Ata münseň, ýorga mün, ýol söýünsin.
* * *
Ata – ot, ite – et.
* * *
Ata seýis bol, şikese – seýik.
* * *
Ataň barka, dost gazan, atyň barka ýol.
* * *
Aty at edýänçä, eýesi it bolar.
* * *
Aty baryň ganaty bar, ogly baryň – döwleti.
* * *
Aty birinde besle, ikisinde gözle, üçünde mün,
Dördünde bolar at, bolmasa sat.
