Türkmenistanyň Medeniýet ministrliginiň garamagyndaky Сagalar sungat
mekdeplerini 2018-2019-njy okuw ýylynda tamamlajak okuwçylaryň arasynda
dürli hünär-ugurlar boýunça geçiriljek “Rowaçlygyň waspy dillerde dessan”
atly döredijilik bäsleşiginiň
DÜZGÜNNAMASY
1.Bäsleşigiň maksady:
Berkarar döwletimiziň bagtyýarlyk döwründe Hormatly Prezidentimiziň alyp barýan pähim-paýhasly syýasaty, amala aşyrýan il-ýurt bähbitliişleri medeniýet we sungat ulgamynyň hünärmenlerinidöredijilikliişlemägeruhlandyrýar. Türkmenistanyň Medeniýet ministrliginiň garamagyndaky Сagalar sungat mekdepleriniň okuwçylarynyň arasynda dürli hünärler-ugurlar boýunça geçiriljek bäsleşik ýurdumyzda medeniýet ulgamyny ösdürmekde öňde goýlan maksatlardan ugur alyp, zehinli çagalaryň ukyp derejesini ýokarlandyrmaklygy,olaryň ýerine ýetirijilik ukyplaryny baýlaşdyrmaklygy hem-de zehinli ýaşlary ýüze çykarmaklygy maksat edinýär.
2.Bäsleşigiň geçiş tertibi:
Bäsleşige aşakda görkezilen hünärler-ugurlar boýunça çagalar sungat mekdeplerini 2018-2019-njy okuw ýylynda tamamlaýan okuwçylaryň gatnaşmaga hukugy bardyr.
Bäsleşik aşakdaky hünärler boýunça geçiriler:
Milli saz gurallary (Dutar, plektrli dutar);
Halk saz gurallary (Akkordeon);
Üflenip we kakylyp çalynýan saz gurallary (Fleýta, klarnet, truba, ksilofon).
Ýörite fortepiano (Fortepiano);
Kirişli saz gurallary (Skripka);
Bäsleşigiň 1-nji saýlama tapgyry çagalar sungat mekdeplerinde geçirilip, saýlanan çagalaryň wideo ýazgylaryny degişli mekdep müdirleri tarapyndan Türkmenistanyň Medeniýet ministrliginiň Okuw mekdepleri, muzeýler we kitaphanalar bölümine ýollanylmalydyr. Bäsleşigiň 2-nji saýlama tapgyry wideo ýazgylary diňlemek arkaly Türkmenistanyň Medeniýet ministrliginiň Okuw mekdepleri, muzeýler we kitaphanalar bölümi tarapyndan saýlanyp-seçiler we jemleýji tapgyra hödürlener.
Bäsleşige gatnaşyjylar DVD diske 2 eser ýazylan wideo ýazgysyny, öz şahsyýetini tassyklaýan resminamanyň (dogluş hakyndaky şahadatnamanyň ýa-da pasportyň) göçürmesini, okuwçynyň çagalar sungat mekdebiniň 1-nji synpyna kabul edilendigi baradaky buýrugyň göçürmesini we okuwçynyň degişli synpda okaýandygy barada mekdebiň müdiri tarapyndan berlen delilnamany 2019-njy ýylyň fewral aýynyň 28-ine çenli Türkmenistanyň Medeniýet ministrliginiň Okuw mekdepleri, muzeýler we kitaphanalar bölümine ýollamalydyrlar. Görkezilen möhletden gijä galan resminamalar we ýazgylar kabul edilmeýär.
Bäsleşigiň jemleýji tapgyryna gatnaşmaga hukuk gazanan okuwçylaryň sanawy Türkmenistanyň Medeniýet ministrliginiň haty esasynda Aşgabat şäher we welaýat medeniýet müdirliklerine habar berler.
Bäsleşigiň jemleýji tapgyry, olary sylaglamak we ýeňijileriň konserti Aşgabat şäherinde, Türkmen milli konserwatoriýasynyň ýanyndaky ýörite sazçylyk mekdep-internatynda 2019-njy ýylyň mart aýynyň 25-ine geçiriler.
Bäsleşigiň jemleýji tapgyrynyň emin agzalary Türkmen milli konserwatoriýasynyň ýanyndaky ýörite sazçylyk mekdep internatynyň mugallymlaryndan düziler.
3.Bäsleşigiň ýeňijileriniň sylaglanyşy:
Bäsleşigiň her bir ugry boýunça beriljek ýerleriň sany:
I orun – 1 sany;
II orun – 1 sany;
III orun – 1 sany.
Eminler topary mynasyp hasap etmedik ýagdaýynda ýerler berilmän hem bilner.
Bäsleşige gatnaşyjylaryň hünärler-ugurlar boýunça
ýerine ýetirmekleri talap edilýän eserleriniň görnüşleri:
Milli saz gurallary:Dutar
Akkompanementli bir eser.
Türkmen halk sazy.
Plektrli dutar
Türkmen kompozitorynyň eseri (akkompanementli).
Daşary ýurt kompozitorynyň eseri (akkompanementli).
Halk saz gurallary: Akkordeon
Türkmen kompozitorynyň eseri (akkompanementli bolup biler).
Uly göwrümli eser.1-nji bölüm (akkompanementli bolup biler).
Üflenip we kakylyp çalynýan saz gurallary:
(Fleýta, klarnet, truba, ksilofon)
Türkmen kompozitorynyň eseri (akkompanementli).
Daşary ýurt kompozitorynyň eseri (akkompanementli).
Ýörite fortepiano
Türkmen kompozitorynyň eseri.
Uly göwrümli eser. 1-nji bölüm
Kirişli saz gurallary: Skripka
Türkmen kompozitorynyň eseri. (akkompanementli).
Uly göwrümli eser. 1-nji bölüm (akkompanementli).
Bellik:
Bäsleşige gatnaşyjylar konsertmeýsterlerini özleri bilen alyp gelýärler.
Habarlaşmak üçin: Aşgabat şäheri, Türkmenistanyň Medeniýet ministrligi, 44-00-41.
